Польшча не выключае закрыцця ўсіх пунктаў пропуску на беларускай мяжы
«Нарастае пэўнага роду пагроза. Рух вагнераўцаў, паведамленні аб канцэнтрацыі расійскіх войскаў прымушаюць нас глыбока задумацца над гэтым», — заявіў міністр Вальдэмар Буда.
У Польшчы не выключаюць закрыцця ўсіх пунктаў пропуску на польска-беларускай мяжы. Пра гэта заявіў міністр тэхналогіі і развіцця Польшчы Вальдэмар Буда, піша Reform.by.
«Нарастае пэўнага роду пагроза. Рух вагнераўцаў, паведамленні аб канцэнтрацыі расійскіх войскаў прымушаюць нас глыбока задумацца над гэтым», — заявіў Буда.
Ён падкрэсліў, што беларускія верталёты не неслі пагрозы Польшчы, а сітуацыя знаходзілася пад кантролем.
«Мы не можам справакаваць вайну праз два верталёты», — заявіў Буда. Паводле слоў міністра, пра інцыдэнт не паведамлялі, каб пазбегнуць панікі ў насельніцтва.
На беларуска-польскай мяжы застаюцца адкрытымі пункты пропуску «Брэст» для легкавых машын і «Казловічы» для грузавых.
1 жніўня Мінабароны Польшчы заявіла аб парушэнні паветранай прасторы Польшчы двума беларускімі верталётамі ў раёне Белавежы. Мінабароны Беларусі адмаўляе факт парушэння мяжы.
Сёння прэм'ер-міністр Польшчы Матэвуш Маравецкі і прэзідэнт Літвы Гітанас Наўседа сустрэліся ў Сувалскім калідоры. Яны чакаюць, што колькасць правакацый з боку Расіі і Беларусі будзе расці.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
Сейчас много кто уехал как раз в польшу не могут пригласить даже своих родителей… показать страну… возможно изменить их мировоззрение..
Вредительство.. иначе это назвать трудно