Не менш за 30 чалавек загінулі і больш за 80 атрымалі раненні ў выніку сходу з рэек вагонаў цягніка Hazara Express у пакістанскай правінцыі Сінд, паведамляе тэлеканал Geo.
Паводле папярэдняй інфармацыі, з рэек сышлі ад 5 да 10 вагонаў цягніка, паліцыя пакуль не паведаміла, у чым была прычына крушэння.
У выніку аварыі спынены рух цягнікоў у правінцыі Сінд. Чыгуначныя ўлады заявілі, што аднаўленчыя работы могуць заняць да 18 гадзін.
Галоўны міністр правінцыі Сінд Мурад Алі Шах выказаў шкадаванне ў сувязі з гібеллю людзей у выніку інцыдэнту і даручыў аказаць пацярпелым неадкладную медыцынскую дапамогу.
Пакістанская армія і рэйнджары пачалі неадкладна аказваць дапамогу на месцы аварыі, да месца здарэння выкліканыя дадатковыя сілы. Таксама паведамляецца, што для выратавальных работ былі адпраўленыя верталёты армейскай авіяцыі.
З’явілася дыпфэйкавая відэазаява Ціханоўскай, што яна ідзе ў адстаўку. Рыхтаваліся даволі старанна11
Каментары