У МНС распавялі, ці можна пасмажыць шашлык у двары шматпавярховіка і на балконе.
Гатаваць шашлык у кватэры можна толькі ў аэрагрылі або духоўцы, а таксама з дапамогай прыбораў, спецыяльна для гэтага прызначаных.
«А вось развядзенне вогнішча ў мангале на балконе — гэта сур'ёзнае парушэнне правілаў пажарнай бяспекі. За яго пагражае штраф да 5 базавых, нават калі нічога страшнага не адбудзецца. Калі ваш «пікнік» стане прычынай пажару, штраф будзе складаць ад 5 да 30 базавых велічынь. Калі ж вынікам стане смерць чалавека, вам пагражае крымінальная адказнасць», — адзначаюць у Лідскім РАНС у каментары АНТ.
Што тычыцца двара жылога шматкватэрнага дома, то заканадаўствам не забаронена распальваць мангал у такіх месцах. Праўда, трэба выконваць некаторыя правілы.
«Па-першае, нельга пакідаць агонь без нагляду. Па-другое, месца для вогнішча павінна быць расчышчана ад гаручых матэрыялаў і сухой расліннасці і знаходзіцца на дастатковай адлегласці ад будынкаў і збудаванняў. Забараняецца распальваць агонь на тарфяных грунтах і пад кронамі дрэў. Таксама побач з вогнішчам павінны знаходзіцца 10-літровае вядро з вадой ці звычайны вогнетушыцель. Тады штраф вы не атрымаеце.
Галоўнае — сачыць за іскрамі. У выпадку моцнага ветру яны могуць стаць прычынай пажару. Калі з-за вашага вогнішча загарыцца лаўка або аўтамабіль суседа, адказваць прыйдзецца па ўсёй строгасці закона. Пасля прыгатавання шашлыку вуглі варта заліць вадой», — адзначылі ў РАНС.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма19
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары