У Мінску за ўдзел у пратэстах будуць судзіць былога выканаўчага дырэктара Беларусбанка і яго жонку
Свайго часу Анатоль Багавік быў асуджаны за карупцыю.
Фота: прэс-служба Беларусбанка
У Кастрычніцкім судзе Мінска пачынаецца суд над былым выканаўчым дырэктарам Беларусбанка Анатолем Багавіком і ягонай жонкай Іванай, піша «Вясна».
Пару затрымалі за ўдзел у акцыях пратэсту 2020 года і абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх (ч. 1 арт. 342 КК). Справу будзе разглядаць суддзя Алена Жывіца.
Восенню 2017 года Анатолю Багавіку прысудзілі восем гадоў калоніі нібыта за карупцыю, але праз некалькі гадоў ён выйшаў на волю праз памілаванне і працаўладкаваўся ў кампанію «БР-Кансалт», якая з'яўляецца даччынай структурай Банка развіцця.
У Багавікоў на ўтрыманні двое дзяцей.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары