У Вашынгтоне адбылося адкрыццё выставы «Мастацтва супраць дыктатуры». 23‑га лістапада ў холе Палаты прадстаўнікоў Кангрэса ЗША, будынку Рэйбурн, экспанаваліся больш за 40 твораў 11‑ці беларускіх мастакоў.
У Вашынгтоне адбылося адкрыццё выставы «Мастацтва супраць дыктатуры». 23‑га лістапада ў холе Палаты прадстаўнікоў Кангрэса ЗША, будынку Рэйбурн, экспанаваліся больш за 40 твораў 11‑ці беларускіх мастакоў.
На адкрыцці прысутнічалі прадстаўнікі беларускай дыяспары ў Амерыцы, працаўнікі Кангрэса ЗША, Дзярждэпартамента, амерыканскіх няўрадавых арганізацый, прэса і прыватныя калекцыянеры сусветнага сучаснага мастацтва. Да гасцей з прамовай звярнуліся дзеячы мастацтва і грамадскага руху Беларусі: Павел Марозаў — адзін з арганізатараў выставы, чалец Рады БНР і лідэр супольнасці «Трэці Шлях», Арэст Дзейчакоўскі — прадстаўнік Хельсінскага камітэта Кангрэса ЗША, беларускія мастакі Алесь Шатэрнік, Алена Тылькіна і Рыгор Батальёнак, прадстаўнікі Беларускага Музея ў Нью‑Ёрку, Беларускага моладзевага руху Амерыкі.
Па словах Паўла Марозава, экспазіцыя «Мастацтва супраць дыктатуры» — гэта паспяховы прыклад народнай дыпламатыі. «У той час як урад Беларусі няздольны пабудаваць нармалёвыя адносіны з вядучай краінай свету, мастакі спрабуюць дастукаюцца да розумаў і сэрцаў амерыканцаў.Пры гэтым яны дэманструюць ім лепшыя ўзоры нашага мастацтва і ўяўляюць сабой беларусаў, якія маюць прынцыповую пазіцыю па пытаннях захавання роднай мовы і культуры, правоў чалавека і дэмакратыі ў нашай краіне», — сказаў ён.
На выставе дэманструецца каля сарака палотнаў і графічных лістоў адзінаццаці беларускіх мастакоў, якія жывуць у розных краінах, — Алеся Пушкіна, Алеся Шатэрніка, Аляксея Марачкіна, Рыгора Батальёнка, Генадзя Драздова, Міколы Купавы, Юліі Шатэрнік, Юрыя Платонова, Янкі Раманавіча, Алены Тылькінай і Сяргея Ардэна — а таксама скульптурныя кампазіцыі Алеся Шатэрніка, у тым ліку бюсты вядомых беларускіх дзеячаў — Тадэвуша Касцюшкі, Ефрасінні Полацкай і Васіля Быкава. Т
эмамі шматлікіх мастацкіх прац, прадстаўленых на выставе, з’яўляецца Беларусь і яе гісторыка‑культурная спадчына.
Арганізатарамі экспазыцыі выступілі Кангрэс новай беларускай дыяспары Еўропы і ЗША, супольнасць «Трэці шлях» і Беларускі музей у Нью‑Ёрку. Выстава арганізаваная пры падтрымцы Фонду Джорджа Маршала і Хельсінскай камісіі Кангрэса ЗША.
«Мастацтва супраць Дыктатуры» дэманструецца на розных пляцоўках у Еўропе і ЗША з 2008 года. За гэты час экспазыцыя пабывала ў Эстоніі, Нарвегіі і ЗША.
У планах арганізатараў у 2010 годзе працягнуць паказ выставы ў мастацкіх музеях у ЗША і Паўднёвай Еўропы, а таксама стварыць новы праект, які будзе пашыраць беларускае мастацтва на Захадзе і інтэгруе ў сябе лепшыя ўзоры беларускага мастацтва, музыкі і арт перфоманса.
Цяпер чытаюць
Беларуская і расійская арміі на беларускай тэрыторыі трэніруюцца наносіць ядзерны ўдар2
Каментары