Прэзідэнт Расіі Уладзімір Пуцін склікаў экстраннае пасяджэнне з прадстаўнікамі выканаўчай улады ў сувязі з тым, што павышэнне ключавой стаўкі Цэнтрабанкам да 12% не спыніла паслаблення рубля, паведамляе Financial Times са спасылкай на дзве крыніцы, знаёмыя з сітуацыяй.
На нарадзе плануецца разгледзець прапановы расійскага Міністэрства фінансаў аб узмацненні валютнага кантролю. Нарада, паводле звестак газеты, павінна прайсці сёння, 16 жніўня.
Па словах крыніц FT, Мінфін, у прыватнасці, прапанаваў абавязаць расійскіх экспарцёраў прадаваць да 80% сваёй валютнай выручкі на працягу 90 дзён пасля пастаўкі. Кампаніі, якія не будуць выконваць гэтыя патрабаванні, збіраюцца пазбавіць дзяржаўных субсідый, паведамляе выданне.
Пра скліканне экстраннай нарады наконт праблемы валютнага кантролю на падставе сведчанняў сваіх крыніц піша таксама расійскае выданне «Ведомости».
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы48
Каментары