Пра намеры Расіі паведамляюць афрыканскія выданні са спасылкай на высокапастаўленыя крыніцы.
Нігерыя, якая з'яўляецца наймацнейшай у вайсковым сэнсе краінай з афрыканскага празаходняга блока ECOWAS, вядзе перамовы з Расіяй аб набыцці яе танкаў для сваёй арміі. Пра гэта днямі паведаміла афрыканскае выданне Military Africa са спасылкай на высокапастаўленага вайсковага чыноўніка Нігерыі.
Па інфармацыі крыніцы, прадстаўнікі Нігерыі наведалі вайсковы форум «Армія-2023» у Расіі, дзе правялі перамовы аб набыцці «шэрагу» асноўных расійскіх танкаў T-90 і іх мадыфікацый.
Адбываецца гэта ўсё на фоне нібыта хуткай вайсковай інтэрвенцыі краін ECOWAS на чале з Нігерыяй супраць прарасійскай хунты Нігера, якая ў мінулым месяцы захапіла там уладу.
«Нігерыя вядзе непублічныя перамовы з Расіяй аб куплі танкаў T-90 і іх мадыфікацый T-90С. Аднак вайна ва Украіне, экспартны кантроль узбраенняў з боку Расіі і санкцыі Захаду значна ўскладняюць паспяховае завяршэнне ўгоды. Прытым, што самі расійскія танкі Нігерыя хацела купіць яшчэ некалькі гадоў таму, але не мела тады дастатковай колькасці сродкаў», — піша Military Africa са спасылкай на высокапастаўленага нігерыйскага чыноўніка.
Пры гэтым ні колькасць танкаў, ні сума магчымай угоды крыніцай не раскрываюцца.
Нагадаем, што зусім нядаўна краіны блока ECOWAS, у склад якога ўваходзіць Нігерыя, паведамілі аб правале мірных перамоваў з прарасійскімі путчыстамі Нігера і аб'явілі, што гатовыя да інтэрвенцыі ў любы момант.
Чытайце яшчэ:
Ці здольная ECOWAS задушыць прарасійскую хунту Нігера? Аналізуем
Зрынутага прэзідэнта Нігера трымаюць у ізаляцыі, ён харчуецца сухім рысам і макаронаю
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошняя ўцечка была ў 2026-м, а заснавальнікі — расіяне15
Каментары