Барысаўскі БАТЭ нічога не змог зрабіць з косаўскім «Балкані» ў плэй-оф кваліфікацыі Лігі канферэнцый.
Фота: сайт Football.by
Тыдзень таму БАТЭ ў Косаве разграмілі з лікам 1:4. Сёння была мінімальная перамога беларускага клуба 1:0.
У групавой стадыі Лігі канферэнцый другі раз згуляе «Балкані».
БАТЭ пачынаў еўракубкавае лета ў кваліфікацыі Лігі чэмпіёнаў, у першым раўндзе ён выйграў у албанскага «Партызані», у другім раўндзе прайграў кіпрскаму «Арысу», выбыў у кваліфікацыю Лігі Еўропы, дзе таксама не затрымаўся, прайграўшы малдаўскаму «Шэрыфу».
Апошні раз беларускія клубы гулялі ў групавым раўндзе еўракубкаў у сезоне 2018-2019, гэта быў БАТЭ ў Лізе Еўропы. Тады ў Мінск прыязджаў «Чэлсі», а ў 1/16 фіналу барысаўскі клуб гуляў з «Арсеналам».
Каментары