Айцішніка Дзмітрыя Маставога, які нібыта ладзіў трансляцыю з аэрадрома ў Мачулішчах, будуць судзіць за «здраду дзяржаве»
14 верасня ў Брэсцкім абласным судзе пачнуць разглядаць справу Дзмітрыя Маставога, якому інкрымінуюць ч. 1 арт. 356 КК (здрада дзяржаве) і ч. 1 арт. 361-4 КК (садзейнічанне экстрэмісцкай дзейнасці). Працэс у закрытым рэжыме прызначылі весці суддзю Веру Філонік, піша «Вясна».
Пра затрыманне Дзмітрыя Маставога раней стала вядома з прапагандысцкага фільма АНТ пасля дыверсіі ў Мачулішчах.
Так, у сюжэце распавялі, што Маставы нібыта прапанаваў «Беларускаму Гаюну» зліваць інфармацыю пра аэрадром: ён, маўляў, наладзіў трансляцыю з камп'ютара, якая два тыдні ішла бесперапынку.
Адміністрацыя тэлеграм-канала «Беларускі Гаюн» пазней паведамляла выданню «Люстэрка», што насамрэч Дзмітрый нічога для іх не ладзіў.
Каментары