Зборная Латвіі па баскетболе не здолела прабіцца ў паўфінал. У матчы 1/4 фіналу яна прайграла Нямеччыне 79:81.
Зборная Нямеччыны. Скрыншот відэатрансляцыі
Латвія выйграла першую чвэрць 16:13, але ў другой і трэцяй чвэрцях немцы былі мацнейшыя: 23:18, 26:25.
На апошніх секундах латышы не змаглі закінуць трохачковы, а потым не здолелі згуляць на дабіванні.
Тым не менш турнір можна залічыць у актыў нашых суседзяў. Яны ўпершыню гулялі на чэмпіянаце свету і адразу дайшлі да чвэрцьфіналу.
Як і зборная Літвы, Латвія працягне барацьбу за 5-8 месцы. Заўтра яна сустрэнецца з Італіяй.
А Нямеччына згуляе ў паўфінале са зборнай ЗША.
Сёння будзе згуляны апошні чвэрцьфінал: Канада — Славенія, яго пераможца згуляе са зборнай Сербіі.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары