Беларусам не пакажуць найбуйнейшых спартыўных спаборніцтваў новага сезона — Эйсмант
Белтэлерадыёкампанія не плануе купляць жывыя трансляцыі новага сезона Лігі чэмпіёнаў па футболе, які стартуе 19 верасня, а таксама чэмпіянату Еўропы-2024 у Германіі. Пра гэта выданню Tochka.by сказаў кіраўнік БТ Іван Эйсмант.
«Белтэлерадыёкампанія Лігі чэмпіёнаў паказваць не будзе, у нас няма правоў на гэты праект, мы не ўдзельнічалі ў таргах. Пра Еўра-2024 пакуль не думалі, але, мне здаецца, таксама не, пакуль размоў пра гэта не ідзе», — адзначыў Эйсмант.
Што тычыцца Алімпіяды-2024 у Парыжы, то наконт яе, паводле Івана Эйсманта, застаецца нямала пытанняў.
«А Алімпіяда будзе ў Парыжы? А мы будзем удзельнічаць з расіянамі? Не ведаю, ці варта паказваць Алімпійскія гульні, калі там не будзе нашых спартсменаў.
Пытанне ўдзелу яшчэ не вырашана. Але на тэрыторыі Беларусі няма таргоў па Алімпіядзе. Ну, не і не. Мы з гэтай нагоды моцна не перажываем. Такая Алімпіяда нам не патрэбная», — сказаў чыноўнік.
Пракаментаваў ён і сітуацыю з трансляцыяй матчаў чэмпіянату свету ў Катары восенню-зімой 2022 года. Тады да апошняга абмяркоўвалася магчымасць паказаць мундыяль беларускім заўзятарам, але ў выніку ўсё адмянілася. Паводле версіі Эйсманта, за паказ некаторых спаборніцтваў БТ унесла перадаплату, але грошы ім назад не аддалі, «па сутнасці, яны былі скрадзеныя». Таму ён, маўляў, і не хоча больш з гэтым мець справу.
«За данясенне праўды да сусветнай супольнасці». Белтэлерадыёкампанія прэміравала прапагандыстак, што трапілі пад еўрапейскія санкцыі
Жанчына-«антывандал» выйшла замуж за спецназаўца-ябацьку
«Калі я адказны за тое, што Пятрашка цяпер робіць у эфіры, то мяне трэба пакараць». Шчырае інтэрв’ю з экс-дацэнтам журфака — пра калег і чорныя спісы
Першая віцэ-мэр Мінска Надзея Лазарэвіч прайшла праз затрыманне, муж застаўся ў СІЗА8
Каментары
https://nashaniva.com/325881
Пошла и говорит с досадою: «Ну, что́ ж!
На взгляд-то он хорош,
Да зелен — ягодки нет зрелой:
Тотчас оскомину набьешь."