У адных трусах Сяргей Малікаў пагнаўся за злодзеямі, што завіталі да яго на кватэру. Аднаго злавіў, другога схапілі міліцыянты.
У адных трусах Сяргей Малікаў пагнаўся за злодзеямі, што завіталі да яго на кватэру. Аднаго злавіў, другога схапілі міліцыянты.
Гераічны учынак 29-гадовы доктар анкалагічнага дыспансера з Баранавічаў здзейсніў 13 лістапада. «Калі я ўбачыў, што ў маю кватэру ўваходзяць двое незнаёмцаў, якія абудзілі мяне настойлівымі званкамі ў дзверы, я быў настолькі злы, што не задумваючыся пабег за імі, калі яны кінуліся на лесвічную пляцоўку. Як быў — у трусах і басанож — так і пабег», — распавёў лекар.
Высветлілася, што затрыманыя злодзеі апынуліся «гастралёрамі» — абодва жыхары Ліды. За дзень да затрымання яны пашкодзілі замак у кватэру па вуліцы Жукава, аднак і там выкрасці нічога не паспелі: хтосьці іх спалохаў.
Як падкрэсліў часе ўручэння падзякі і прэміі часова выконваючы абавязкі начальніка Баранавіцкага ГУУС Вячаслаў Ланкуць, гэта ўжо не першы выпадак у горадзе ў гэтым годзе, калі шараговыя грамадзяне дапамагаюць міліцыі ў затрыманні злачынцаў.
«Вельмі прыемна, што ў Баранавічах жывуць такія неабыякавыя людзі», — падкрэсліў В. Ланкуць.
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею5
Каментары