Свет11

Адміністрацыя прэзідэнта Расіі папрасіла прапагандыстаў не распавядаць пра фэйкі пра новую хвалю мабілізацыі

«Як мага менш казаць пра гэтую тэму», — рэкамендуюць у АП.

Ілюстрацыйнае фота Мінабароны Расіі

Расійскія праўладныя СМІ атрымалі ад Адміністрацыі прэзідэнта «настойлівую просьбу» як мага менш асвятляць чуткі пра другую хвалю мабілізацыі (у пачатку верасня ў сацсетках і месенджарах стаў распаўсюджвацца адпаведны фэйкавы загад Мінабароны Расіі. Пра гэта «Медузе» распавялі два супрацоўнікі такіх выданняў.

Па іх словах, прапагандыстаў папрасілі не публікаваць нават афіцыйных абвяржэнняў такіх чутак (калі яны з'явяцца зноў). Работнік аднаго з праўладных таблоідаў растлумачыў, што такія каментары набіраюць вялікую колькасць праглядаў і многія людзі даведаюцца пра фэйкі менавіта з іх: «А як у нас [у Расіі] лічыцца — калі ўлады нешта абвяргаюць, значыць, дакладна будзе».

Суразмоўцы адзначылі, што просьба Адміністрацыі прэзідэнта ў тым ліку тычыцца заяў кіраўніка камітэта Дзярждумы па абароне Андрэя Картаполава (раней менавіта ён абвяргаў «загад» аб новай хвалі мабілізацыі — яго словы працытавалі многія праўладныя СМІ).

Гэты дэпутат стаў шырока вядомы ў верасні мінулага года, калі «абверг» падрыхтоўку мабілізацыі проста напярэдадні яе пачатку.

Акрамя таго, менавіта Картаполаў восенню мінулага года, каментуючы змяненне прызыўнога ўзросту, запэўніваў, што 18-гадовыя прызыўнікі арміі не патрэбныя і на службу цяпер будуць набіраць з 21 года.

У выніку ж расійскія ўлады паднялі толькі верхнюю мяжу прызыву (да 30 гадоў) — а ніжнюю пакінулі ранейшай. Некаторыя з самых папулярных праўладных выданняў ужо перасталі цытаваць дэпутата Дзярждумы.

Замест навін з каментарамі аб магчымай мабілізацыі ў Крамлі прапанавалі прапагандыстам зрабіць упор на публікацыі аб наборы кантрактнікаў, які нібыта ідзе вельмі паспяхова. Пры гэтым адзін з суразмоўцаў, якія працуюць у праўладных СМІ, адзначыў, што некаторыя такія выданні могуць праігнараваць рэкамендацыю Адміністрацыі прэзідэнта (і працягваць набіраць прагляды), калі ў іх кіраўніцтва «добрыя асабістыя адносіны» з крамлёўскімі куратарамі.

Крыніца «Медузы», блізкая да Адміністрацыі прэзідэнта РФ, у сваю чаргу, патлумачыла такую рэкамендацыю тым, што сама згадка мабілізацыі «вельмі трывожыць грамадства»: «прасцей аб гэтай тэме як мага менш казаць, трыгераў менш».

Напярэдадні прэзідэнцкіх выбараў 2024 года такая «трывожнасць» Крамлю не патрэбная: «яна ўплывае на настроі людзей, у часткі з іх яна можа перарасці ў пратэсныя настроі. Такія будуць галасаваць супраць [Пуціна] ці не пойдуць на выбары».

Гэта наўпрост супярэчыць задачам палітычнага блока Адміністрацыі прэзідэнта, які мае намер забяспечыць Пуціну рэкордныя паказчыкі на выбарах 2024 года (як ужо пісала «Медуза», гаворка ідзе больш як пра 80% галасоў пры яўцы большай за 70%). Пры гэтым суразмоўцы «Медузы», блізкія да Крамля, абмовіліся, што нічога не ведаюць пра тое, ці будзе новая хваля мабілізацыі ў прынцыпе.

Каментары1

  • Владислав
    14.09.2023
    Пуцін умее рабіць з расейцаў зомбі. Трэба не даваць інфармацыю для роздуму, гэтага дастаткова.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Усе навіны →
Усе навіны

КДК пагражае закрываць крамы, калі ў іх няма бульбы4

Аліеў у апошні момант адмовіўся ляцець у Маскву на парад2

EPAM і Wargaming заплацілі ў Літве мінімальныя падаткі за больш чым два гады

Данута Перадня выехала з Беларусі

У Вялікабрытаніі збіраюцца заводзіць крыміналкі на тых, хто залазіць на помнік Чэрчылю1

Ці варта чакаць даляр ніжэй за тры рублі?4

Вэнс заявіў, што Расія хоча занадта шмат

«15 медных шчытоў у гонар рэспублік СССР». Як выглядае кінатэатр «Масква» пасля рэканструкцыі ФОТА6

ЗША скарачаюць адставанне ад Кітая ў гіпергукавой гонцы1

больш чытаных навін
больш лайканых навін

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Галоўнае
Усе навіны →

Заўвага:

 

 

 

 

Закрыць Паведаміць