У Дзярждуме Расіі плануюць разгледзець папраўкі аб крымінальнай адказнасці за ўхіленне ад мабілізацыі
Кіраўнік камітэта па абароне Андрэй Картаполаў заявіў, што восенню ў Дзярждуму паступіць законапраект аб крымінальным пакаранні за ўхіленне ад мабілізацыі. Паводле слоў дэпутата, ухілістаў прапануецца караць штрафам да 500 тысяч расійскіх рублёў (5340 даляраў) ці пазбаўленнем волі да пяці гадоў.
Неабходнасць законапраекта Картаполаў растлумачыў жаданнем «выраўняць сітуацыю», бо адказнасць за ўхіленне ад службы па прызыве ёсць, а за ўхіленне ад мабілізацыі — няма.
У той жа час Картаполаў адмаўляе падрыхтоўку да новай мабілізацыі ў Расіі.
«Гэта абсалютна ніяк не звязана паміж сабой. […] Ніякай новай мабілізацыяй і не пахне», — сказаў дэпутат.
Сёння Уладзімір Пуцін падпісаў закон, які падняў прызыўны ўзрост у Расіі да 30-ці гадоў.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве15
Каментары