Грамадства

Памёр прафесар БДУІР і былы рэктар універсітэта Віктар Ільін

Віктар Макаравіч Ільін быў рэктарам БДУІР (які спачатку быў Мінскім радыётэхнічным інстытутам) у 1973-2000 гадах. Прафесара не стала ў 92 гады.

Фота: bsuir.by

Пра гэта паведамляецца на сайце ўніверсітэта.

Віктар Ільін — кандыдат тэхнічных навук, акадэмік Міжнароднай акадэміі навук вышэйшай школы, заслужаны работнік вышэйшай школы БССР.

Ён прыйшоў у Мінскі радыётэхнічны інстытут у 1971 годзе на пасаду прарэктара па вучэбнай рабоце. 8 лютага 1973 года быў прызначаны рэктарам МРТІ.

Пры ім інстытут стаў расці. Па колькасці студэнтаў дзённага аддзялення МРТІ ў 1978 годзе выйшаў на 3 месца ў рэспубліцы.

Фота: bsuir.by

Пасля распаду СССР установа зазнала складанасці: скараціўся прыём, рэзка знізілася фінансаванне, педагагічныя і навуковыя кадры сыходзілі ў камерцыйныя ВНУ і фірмы. Пачатак БДУІР як універсітэта таксама прыпаў на працоўную дзейнасць Віктара Макаравіча: у 1993 годзе МРТІ быў ператвораны ў БДУІР. 

«Віктар Макаравіч Ільін — чалавек, цалкам адданы справе, якой служыў на працягу доўгіх гадоў. Добра ведаў гісторыю, літаратуру, паэзію, меў шырокі кругагляд і заўсёды быў нацэлены на дасягненне пастаўленых задач», — адзначае ВНУ.

Віктар Ільін пісаў вершы, напрыклад, «Гімн універсітэта».

За шматгадовую працу ўзнагароджаны ордэнам Айчыны III ступені, ордэнам Працоўнага Чырвонага Сцяга, медалём «Ветэран працы», ганаровымі граматамі Вярхоўнага Савета БССР, Савета Міністраў Рэспублікі Беларусь, Нацыянальнага сходу Рэспублікі Беларусь.

Развітанне з прафесарам адбудзецца 23 верасня па адрасе: г. Мінск, Даўгінаўскі тракт, 160А з 14.00 да 15.00.

Каментары

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць