Ваданосава, Relikt, ZUJ і B:N. Абвешчана праграма фестывалю «Bardauskaja Vosień 2023»
Фестываль «Bardauskaja Vosień 2023» пройдзе 27-29 кастрычніка на Падляшшы ў Польшчы.
У межах фестывалю будуць праходзіць разнастайныя мерапрыемствы ў трох розных месцах Падляшша. Арганізатары абяцаюць не толькі цікавую музычную праграму, але і літаратурныя сустрэчы беларускіх і падляшскіх літаратараў са сваёй публікай, піша «Будзьма».
«Барды», гэтак жа, як і фестываль «Басовішча», культавае мерапрыемства з 27-гадовым стажам. Ужо з мінулага выпуску арганізатары намагаліся змяніць чыста музычны характар фестывалю на музычна-літаратурны фармат, паказваючы тое, што адбываецца ў беларускай прасторы «аўтарскай песні».
Вядома, што музыка застанецца моцным акцэнтам, як элемент, што вабіць публіку, хаця, са слоў арганізатараў фэсту, яны часткова хочуць пазбыцца традыцыйнага ўспрымання «аўтарскай песні» і запрасіць творцаў, якія таксама натхняюцца літаратурай, але маюць больш наватарскі падыход, ды звярнуць увагу на тэатр і музычныя спектаклі.
У межах фестывалю 27-29 кастрычніка пройдуць тры мерапрыемствы ў трох розных мясцовасцях Падляшша. У кожным з іх запланаваны як канцэрты, гэтак і сустрэчы, звязаныя з беларускай літаратурай.
27 кастрычніка
У Бельскім Доме Культуры (Бельск Падляшскі) выступіць Кацярына Ваданосава і Аляксандра Канафальская (sand-art) з праектам «Край» ды гурт Relikt. Таксама плануецца ўручэнне Прэміі імя Міхала Анемпадыстава (Беларускі PEN) і дыскусія пра стан сучаснай беларускай літаратуры.
28 кастрычніка
У асяродку культуры ў Орлі запланаваны выступ Алега Кабзар, WZ Trio, а таксама сустрэча-прэзентацыя беларускай літаратуры Падляшша
29 кастрычніка
У Беластоцкім Тэатры лялек пакажуць «Святло ў цемры» — спектакль тэатра «Тутэйшы»(рэж. Андрэй Саўчанка), выступяць музычны праект ZUJ і B:N.
Праект ладзіцца ў межах праграмы #ArtPower Belarus Беларускай Рады культуры і Дацкага інстытута культуры пры фінансавай падтрымцы Еўрасаюза.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі2
Аляксандр Лукашэнка так ляснуўся на лёд на хакеі, што трыбуны замерлі
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары