Нарэшце снег? Сіноптыкі паабяцалі, што ў чацвер ён не толькі выпадзе, але і дзе-нідзе ляжа
Прагноз надвор'я на 26 кастрычніка.
Міжнародныя сінаптычныя рэсурсы прагназуюць, што ападкі ў змяшанай фазе пачнуць выпадаць заўтра з самае раніцы. Гэта будзе адбывацца на поўначы і паўночным усходзе краіны — у Віцебскай і на поўначы Мінскай і Магілёўскай абласцей.
ECMWF прагназуе нават утварэнне невялікага 1-3 см снежнага покрыва да 12:00 чацвярга, паведамляе тэлеграм-канал nadvorie.
Pogoda.by паведамляе, што заўтра надвор'е ў Беларусі будуць вызначаць атмасферныя франты ад цыклону з цэнтрам над Польшчай. Часам чакаюцца ападкі (дождж, мокры снег), ноччу і раніцай у многіх раёнах краіны пройдуць моцныя ападкі. Месцамі па краіне прагназуюцца туман і галалёд, на дарогах галалёдзіца.
Вецер ноччу месцамі моцны парывісты. Тэмпература паветра на працягу сутак складзе ад -2°С на поўначы да +9°С на паўднёвым захадзе рэспублікі, днём месцамі на поўдні Беларусі да +14°С.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары