У Слаўгарадскім раёне мужчына падчас сваркі застрэліў чалавека, уцёк у лес, а потым забіў сябе — МУС
Учора, 11 лістапада, каля пяці вечара ў міліцыю Слаўгарада паступіла паведамленне, што ў вёсцы Малая Зімніца невядомы стрэліў у чалавека і са зброяй уцёк у лес.
Паводле МУС, у кампаніі, якая адпачывала ля возера, узнікла сварка з невядомым мужчынам. У выніку невядомы стрэліў у 31-гадовага мужчыну, той загінуў на месцы. Стралок збег ў лес.
Асобу стралка аператыўна ўстанавілі — ім аказаўся 66-гадовы раней судзімы мясцовы жыхар.
Да яго пошукаў падключылі міліцыянтаў з суседніх раёнаў і вайскоўцаў.
Як паведамляе МУС, мужчыну заблакавалі ў лесапаласе, ён скончыў жыццё самагубствам.
На месцы здарэння працуе следча-аператыўная група.
Каментары