«Не знайшоў у продажы свіных капытоў і вырашыў паведаміць пра гэта ў аблвыканкам». Якія яшчэ пытанні хвалююць людзей на Гомельшчыне?
Першы намеснік старшыні Гомельскага аблвыканкама Дзмітрый Петражыцкі 11 лістапада правёў тэлефонную лінію з жыхарамі вобласці. Паводле паведамлення дзяржаўнай прэсы, за час працы лініі да чыноўніка звярнуліся 24 чалавекі, і «пытанні, якія патрабуюць дэталёвага аналізу, узятыя на кантроль».
Праблемы, якія ставіліся перад Дзмітрыем Петражыцкім, у асноўным тычыліся ацяплення дамоў і ўстаноў, водазабеспячэння, закрыцця крамаў у невялікіх населеных пунктах. Адна жанчына паставіла пытанне «прыбірання на могілках векавых аварыйных соснаў, якія пры падзенні могуць прынесці матэрыяльную шкоду», а жыхарку гарадскога пасёлка Камарын на Брагіншчыне занепакоіла тое, што ў яго прыходзяць з лесу лісы.
Але апрача такіх звычайных бытавых пытанняў просьбы некаторых людзей выглядалі даволі экзатычна.
Так,
«гамяльчук Міхаіл Іванавіч не знайшоў у продажы свіных капытоў і вырашыў паведаміць пра гэта ў аблвыканкам».
Марыя Дзмітрыеўна з аграгарадка Кашэвічы Петрыкаўскага раёна
«прасіла пашырыць асартымент прамысловых і рытуальных тавараў у комплексна-прыёмным пункце, наракала, што труну купіць у вёсцы няма дзе».
Як паведамляецца па выніках тэлефоннай лініі, «кожны, хто звярнуўся, уважліва выслуханы, атрымаў тлумачэнні, а пытанні, якія патрабуюць дэталёвага аналізу, узятыя на кантроль».
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта18
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары