Паліцыя Нідэрландаў затрымала 57-гадовага беларуса па падазрэнні ў забойстве іншага беларуса
Паліцыя Нідэрландаў арыштавала мужчыну з Беларусі, якога падазраюць у забойстве беларускага дальнабойшчыка Максіма Грыня, піша «Люстэрка» на падставе публікацыі ў мясцовым выданні Omroep Brabant.
Як піша выданне, паліцыянты дапыталі ўсіх кіроўцаў грузавікоў, якія знаходзіліся ў момант забойства на стаянцы, а таксама тых, хто ўжо паспеў выехаць. Дэтэктывы сабралі ўсе відэа з камер назірання і па выніках расследавання затрымалі на поўначы краіны 57-гадовага беларуса.
Цела 25-гадовага беларуса Максіма Грыня знайшлі 21 кастрычніка пасярод паркоўкі на памежным пераходзе «Хазелдонк» недалёка ад горада Брэда. Увечары іншы кіроўца грузавіка ўбачыў чалавека, які хістаўся, а пасля ўпаў на зямлю.
Праваахоўнікі высветлілі, што Грынь пад'ехаў да ўсходняга боку паркоўкі пасля паловы сёмай раніцы. Амаль праз дванаццаць гадзін пасля таго ён атрымаў нажавое раненне. Ягоны калега-дальнабойнік знайшоў мужчыну сур'ёзна параненым на стаянцы каля паловы сёмай. Выклікалі экстранныя службы, але дапамога прыйшла занадта позна, Максім Грынь памёр на месцы.
Грынь працаваў у літоўскай транспартнай кампаніі Finejas. У той дзень у ягоным трэйлеры знаходзіўся груз з Паўднёвай Еўропы, які дастаўляўся ў цэнтральную частку Нідэрландаў.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?5
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць77
Каментары