Папа Францішак паведаміў, што мае запаленне лёгкіх, піша РБК са спасылкаю на агенцтва ANSA. У нядзелю пантыфік не зʼявіўся ў сваім акне і прачытаў малітву па відэасувязі.
Папа Францішак. Фота: Grzegorz Galazka / Archivio Grzegorz Galazka / Mondadori Portfolio via Getty Images
Раніцай 26 лістапада прэс-служба Ватыкана заявіла, што 86-гадовы пантыфік прачытае малітву са сваёй рэзідэнцыі ў Ватыкане па відэасувязі з-за «грыпу ў лёгкай форме».
Кіраўнік прэс-службы Ватыкана Матэа Бруні напярэдадні паведаміў аб адмене аўдыенцый у Францішка, запланаваных на суботу, з-за хваробы. Пазней ён распавёў, што Францішку была праведзена кампутарная тамаграфія, каб «выключыць рызыку лёгачных ускладненняў», вынікі даследавання былі адмоўнымі.
«Сёння я не магу з'явіцца ў акне, таму што ў мяне праблема з запаленнем лёгкіх», — цытуе словы Францішка ANSA.
Цяпер чытаюць
Толькі жмінда і лянівы не падтрымлівае «Нівы»! Вы можаце за хвіліну падтрымаць «НН» падаходным, не патраціўшы ні капейкі сваіх4
Каментары