Магілёвец Яўген Асташэвіч злятаў у студзені ў Тайланд і падзяліўся рэальнымі лічбамі. Журналістка выдання Myfin.by даведалася, як ашчадзіць на ежы і перамяшчэнні па востраве і колькі каштуе ўбачыць той самы пляж з фільма з Дзі Капрыа.
Абед ці вячэра на траіх — 70 даляраў
У 11‑дзённы адпачынак на Пхукет магілёвец паляцеў не адзін, а з братам і яго дзяўчынай. Выляталі з Шарамеццева. Да Масквы дабіраліся з Оршы на «Ластаўцы», заплаціўшы па 100 беларускіх рублёў за квіток. Ад вакзала да аэрапорта даехалі на таксі за 4000 расійскіх рублёў (гэта 150 беларускіх).
Ляцелі авіякампаніяй «Ікар», палёт заняў 9,5 гадзін.
«Калі мы прыляцелі, нам паставілі візы, гэта каштавала па 65 даляраў з чалавека. Тураператар загадзя запоўніў усе дакументы, нам засталося толькі падаць іх. Пасяліліся ў гатэлі 3* Hotel de Korone. Я жыў у двухмесным нумары адзін, а брат з дзяўчынай — у суседнім.
Засяліліся і адразу адправіліся вывучаць мясцовасць. Атэль размешчаны ўдала, да пляжа Карон усяго 5 хвілін павольным крокам. Пляжныя ручнікі выдаюць у гатэлі, а вось шэзлонгі на самім беразе платныя — 100 бат. Пры курсе 10 да 1 гэта прыкладна 10 беларускіх рублёў. Карон мы выбралі невыпадкова, ён лічыцца адным з самых чыстых і найлепшых пляжаў Пхукета».
Паколькі ў тур уваходзілі толькі сняданкі, магілёўцы абедалі і вячэралі ў кавярні. У ежы аддавалі перавагу морапрадуктам: крэветкам, рыбе і, вядома, супу Том Ям.
Сярэдні чэк за абед ці вячэру на траіх выходзіў каля 2000 бат (200 беларускіх рублёў).
Студзень і люты лічыцца ідэальным часам для Пхукета.
Гэта пік «сухога» сезону. На небе ні хмурынкі, тэмпература паветра стабільна трымаецца ў раёне +32°C, а вада ў акіяне праграецца да +30°C. Сапраўдны рай для тых, хто паспеў стаміцца ад нашай зімы.
«Выбіраючы экскурсіі, спыніліся на топавых напрамках, якія, на мой погляд, абавязковыя для наведвання — запаведнік сланоў і востраў малпаў. Заплацілі 2000 бат (200 рублёў) з чалавека. Сланы — гэта поўнае захапленне! У запаведніку з імі можна не толькі сфатаграфавацца, але і пакарміць іх, пакупацца разам і нават пракаціцца верхам. А вось з малпамі раю трымаць вуха востра. Яны істоты агрэсіўныя: калі ім штосьці не спадабаецца, могуць і ўкусіць. У мяне проста з рук вырвалі пакет з садавіной, якую мы ім і везлі.
Сярэдні чэк на таксі — 10—15 даляраў
Уразілі магілёўцаў і астравы Мая Бэй і Пхі-Пхі. Экскурсія каштавала 2700 бат (270 рублёў) на чалавека.
«Прыгажосць там неверагодная. Менавіта на гэтых астравах у свой час здымалі культавы фільм «Пляж» з Леанарда Дзі Капрыа. Лакацыі выглядаюць дакладна гэтак жа сама, як на карцінках у інтэрнэце. У кошт абедзвюх экскурсій ужо былі ўключаныя трансфер з гатэля, прагулка на яхце, паўнавартаснае харчаванне і прахаладжальныя напоі».
Акрамя экскурсій, было больш чым дастаткова і іншых забаў. У раёне Карона велізарная колькасць рэстаранаў і дыскатэк, так што ўсё начное жыццё аказалася пад бокам.
«Пхукет зараз — гэта цэнтр тусоўкі, сюды пастаянна прылятаюць з канцэртамі расійскія зоркі. Мы трапілі на выступ Цімы Беларускіх. Білет каштаваў 40 даляраў на чалавека, калі не лічыць транспарт да пляцоўкі асобна. Канцэрт прайшоў на ўзроўні, засталіся вельмі задаволеныя».
Перамяшчацца па Пхукеце, кажа Яўген, той яшчэ квэст з-за велізарных затораў. Адлегласць у 15 км можна лёгка ехаць дзве гадзіны. Сярэдні чэк на таксі ў беларусаў атрымліваўся ў раёне 10—15 даляраў. Заказвалі строга праз праграму, таму што вулічныя таксісты ломяць цэннік у разы вышэй.
«Маленькі лайфхак: калі вы адзін ці ўдваіх, лепш браць таксі-байк. Гэта і танней, і ў разы хутчэй, бо на байку вы лёгка аб’едзеце затор».
Рынак супраць рэстарана і 7‑Eleven замест кафэ
Двойчы турысты выбіраліся на рыбны рынак Banzaan у раёне Патонга. Гэта месца ніяк нельга абысці аматарам морапрадуктаў. Цэны там у 2—3 разы ніжэйшыя, чым у рэстаранах, але абавязкова трэба таргавацца.
«Выбіраеш на лёдзе ўсё, што падабаецца, плаціш за прыгатаванне, і пры табе гэта ператвараюць у далікатэс. Крэветкі на грылі, баракуда і марскі акунь каштавалі па 350 бат за 1 кг, грабеньчыкі — 450 бат, лобстар вагой каля кілаграма — 450 бат за штуку. Усё зусім свяжае і неверагодна смачнае».
Для куплі напояў і хуткіх перакусаў у выглядзе сэндвічаў, салатаў і ролаў ідэальна падыходзіць сетка 7-Eleven. Там заўсёды бюджэтна, смачна і прадказальна па якасці. На сувеніры дадому набралі тайскую касметыку, мясцовыя прысмакі і, вядома, экзатычную садавіну.
Транспарт да Масквы туды і назад і ўсе выдаткі на месцы — экскурсіі, таксі, ежа, алкаголь, канцэрт і сувеніры — каштавалі Яўгену прыкладна 1000 даляраў. Улічваючы, што сам тур каштаваў 1400 еўра з чалавека, бюджэтным адпачынак назваць дакладна нельга.
Такім чынам: усе выдаткі і фінальныя ўражанні
Пуцёўка ад турагенцтва: $1400.
Выдаткі на месцы ($1250), з іх:
- харчаванне: $800 (у дзень ішло $70—80);
- экскурсіі: 4700 бат (каля $150) і канцэрт: $40;
- паездкі на таксі: прыкладна $100;
- сувеніры: каля $150.
Чыноўнікі ад турызму мараць пра стварэнне «Залатога кальца Саюзнай дзяржавы»
Ад 7 еўра за гадзіну на будоўлі ў Гамбургу да 14 еўра на Алімпіядзе ў Парыжы: досвед беларуса пра заробкі ў Еўропе
Папулярны італьянскі востраў абмяжоўвае памер турыстычных груп
З Акрэсціна — у Forbes. Беларуска прадавала ў Чэхіі замкі, а цяпер вучыць, як стаць арыстакратам
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары