Зяленскі прызнаўся ў няздольнасці Украіны плаціць пенсіі без дапамогі Захаду
Кіеву прыйдзецца затрымаць выплаты заробкаў 500 тысяч дзяржслужачых і 1,4 мільёнаў настаўнікаў.
Урад Украіны не зможа плаціць пенсіі 11 мільёнаў жыхароў краіны, калі Захад не дасць фінансавай дапамогі, заявіў украінскі прэзідэнт Уладзімір Зяленскі.
«Мы шмат чаго купляем за свае грошы, але калі няма фінансавання… Мы не можам не даць пенсіянерам пенсію. Я не разжальваю, але без пенсіі старыя людзі проста памруць. У нас больш за 11 млн пенсіянераў — ці ёсць яшчэ хоць адна такая краіна ў Еўропе? — сказаў Зяленскі падчас візіту ў Латвію.
Без фінансавай падтрымкі Захаду ўкраінская эканоміка вернецца ў рэжым «выжывання», казала раней у інтэрв'ю FT міністарка эканомікі Украіны Юлія Свірыдзенка.
Паводле яе разлікаў, Кіеву прыйдзецца затрымаць выплаты заробкаў 500 тысяч дзяржслужачых і 1,4 млн настаўнікам, а таксама пенсій 10 млн пенсіянераў, калі замежная дапамога так і не паступіць.
«Падтрымка партнёраў вельмі важная. Нам гэта трэба тэрмінова», — падкрэсліла Свірыдзенка.
На фоне затрымкі заходняй дапамогі ва ўкраінскім урадзе разглядаюць адмену запланаванай на 1 сакавіка індэксацыі пенсій, казала ў снежні міністр сацыяльнай палітыкі Аксана Жалновіч.
Пры гэтым яна зазначыла, што на выплату базавай сумы пенсій грошай павінна хапіць за кошт падаткаў. Аднак на дапамогу бежанцам сродкаў ужо будзе недастаткова.
Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні6
Каментары
Бо нават прыхільніца рэзкага павялічэння дапамогі Ўкраіне і удзельніца прэзідэнцкай гонкі ў ЗША спадарыня Нікі Хэйлі, якая ў апошнія пару месяцаў моцна скараціла адрыў ад Трампа, атрымлівае ўсё большую падтрымку з боку спонсараў рэспубліканскай партыі і ўсё часцей разглядаецца як рэальная nominee ад рэспубліканцаў замест скандальнага Трампа, пагаджаецца на дапамогу Ўкраіне выключна зброяй, амуніцыяй ды адпаведнай падрыхтоўкай украінскіх вайскоўцаў.
Фактычна натуральную ва ўмовах вайны грашовую дапамогу на пакрыцце неадкладных сацыяльных выдаткаў Зяленскаму прыйдзецца прасіць у Еўропе, але гэта будзе вельмі складана, калі ягоная ўлада не дакажа заходняму падаткаплатніку, што яна зрабіла ўсё магчымае дзеля мабілізацыі ўнутраных фінансавых рэсурсаў і ператварэння краіны ў суцэльны ваенны лагер. Між тым уключэнне ў дэлегацыю Зяленскага на бліжэйшы форум у Давосе ягонага заўгаса Ярмака, а не міністра замежных спраў Кулебы і глаўкама ЗСУ Залужнага выглядае вельмі дзіўна.