У Драгічыне брутальна затрымалі 6 чалавек, адзін з іх трапіў у рэанімацыю
Мужчын, паводле інфармацыі праваабаронцаў, аб'ядноўвае тое, што яны займаюцца прымежным гандлем.
Па інфармацыі брэсцкіх праваабаронцаў, 16 студзеня ў горадзе Драгічыне і в. Сварынь былі жорстка затрыманыя мінімум шасцёра мужчын.
Афіцыйнай нагодай для вобшукаў стаў нібыта пошук зброі. Вобшукі праходзілі брутальна: зрывалася падлога і навясныя столі ў дамах, выбіваліся вокны ў машынах.
Паводле крыніцы, адзін з затрыманых доўга ляжаў на вуліцы на зямлі ды сплываў крывёю. Пазней яго даставілі ў рэанімацыю. Які далейшы лёс мужчыны, невядома.
Паводле суразмоўцаў, мужчын аб'ядноўвае тое, што яны займаюцца прымежным гандлем («чаўночным бізнэсам»). Памеры іх абароту сур'ёзныя, бізнэс пераходзіў людзям яшчэ ад бацькоў.
Па стане на ўчора, мінімум 1 з затрыманых быў вызвалены.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары