Сёння з'явілася інфармацыя, што расійскага ваеннага карэспандэнта і аператара дронаў «Майсея» забілі 18 студзеня ў Крынках пад Херсонам. Падставай для такога сцвярджэння стаў запіс ягонай жонкі ў тэлеграм-канале «Майсея» «Сводкі с фронта». Але праз нейкі час з'явілася абвяржэнне.
У тэлеграм-канале «Алтай край» інфармацыя пра гібель «Майсея» з'явілася як пра земляка: ён жыхар Бійска ў Алтайскім краі. Згадвалася і сапраўднае імя «ваенкара»: Эдуард Канстанцінавіч Іост.
Пасля, аднак, пост быў абноўлены. Паводле новай інфармацыі, Эдуард Іост жывы, але паранены і знаходзіцца ў шпіталі.
Ступень цяжкасці раненняў не ўдакладняецца.
Каментары