Жудасных знаходак ужо пяць за тыдзень, але афіцыйных заяў ад паліцыі пакуль не паступала.
Турэцкая паліцыя за тыдзень знайшла ўжо пяць мёртвых целаў на пляжах у правінцыі Анталья, піша Sputnik са спасылкаю на мясцовую прэсу.
Апошні такі выпадак адбыўся ў суботу, паведамляецца, што паліцыянты знайшлі цела мужчыны на пляжы ў раёне Ташагыл паблізу Манаўгата. Адначасова яшчэ адно цела знойдзена на пляжы гатэля ў раёне Кызылот, гаворыцца ў публікацыі.
Удакладняецца, што абодва целы згніўшыя, на трупах захаваліся толькі шорты і абутак, што можа ўскладніць працэс пошуку сваякоў і апазнанне, зазначае газета.
Цяпер целы знаходзяцца ў судмедэкспертаў, якія маюць намер устанавіць асобы загінулых і абставіны іх смерці.
Раней у суботу на пляжы ў раёне Кадрые было знойдзена цела маладой дзяўчыны. За тры дні раней СМІ паведамілі пра іншую страшную знаходку — на пляжы раёна Канаклы ў Антальі былі знойдзены рэшткі дзяўчынкі прыкладна 10 гадоў.
Самая першая жудасная знаходка была знойдзеная ў сераду — супрацоўнікі гатэля Amelia Beach у Манаўгаце паведамілі ў паліцыю аб тым, што знайшлі на пляжы цела без галавы і правай рукі.
Афіцыйных заяў ад паліцыі Антальі наконт жудасных знаходак пакуль не было.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў77
Каментары