Суддзя суда Наваполацка Зінаіда Балаболава 9 студзеня за распаўсюд «экстрэмісцкіх» матэрыялаў арыштавала на 15 сутак работніка ААТ «Нафтан» Аляксандра Ляшкова. Гэта ўжо трэцяя запар адміністрацыйная ізаляцыя ўдзельніка стачкі 2020 года, якая вылічваецца 44-мя суткамі, адзначае «Віцебская вясна».
Паводле рапарту міліцыянта з Наваполацкага ГАУС, Аляксандр быў зарэгістраваны ў месенджары Telegram і ў чат з назвай «ААТ «Нафтан» неабыякавых людзей» даслаў спасылку з відэахостынгу Youtube з назвай «Кардынацыйная рада». Раней гэты рэсурс уключылі ў рэспубліканскі спіс экстрэмісцкіх матэрыялаў.
На судовым пасяджэнні мужчына віну не прызнаў, адзначаючы, што ён не распаўсюджваў экстрэмісцкую інфармацыю праз свой акаўнт у тэлеграме.
Тым не менш, суддзя Балаболава палічыла, што Ляшкоў здзейсніў інкрымінаванае яму правапарушэнне, і на падставе ч. 2 арт. 19.11 КаАП пакарала яго арыштам тэрмінам на пятнаццаць сутак.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары