Віцьбіч у Нямеччыне «абразіў» трох сілавікоў. Вярнуўся і атрымаў паўтара года калоніі
Завяршальнае паседжанне ў дачыненні да Дзмітрыя Палякова прайшло 29 студзеня. Мужчына абвінавачваўся ў абразе прадстаўнікоў улады — начальнікаў падраздзяленняў міліцыі.
Згодна з прэс-рэлізам суда, гэта мужчына рабіў у тэлеграм-чаце 28 жніўня, 7 верасня і 27 верасня 2021 года, знаходзячыся ў Нямеччыне. Пазней і сам чат быў прызнаны экстрэмісцкім, паведамляе тэлеграм-канал «Віцебск, я гуляю».
Дзмітрыя ўжо падвяргалі адміністрацыйнаму пераследу ў кастрычніку 2023 года — тады яго судзілі за пікет у сацсетках.
У выніку суддзя Міхаіл Юрчанка асудзіў Палякова на паўтара года калоніі і аштрафаваў на 4000 рублёў, а таксама выплату кампенсацыі маральнай шкоды на карысць траіх пацярпелых на 5500 рублёў.
Прысуд яшчэ можа быць абскарджаны.
Каментары