У Гродне закрываюць краму-атэлье з інтэр'ерам традыцыйнай беларускай хаты
Пра хуткае закрыццё крамы-атэлье «ФеафаніЯ» за тры дні да гэтага паведаміла ў інстаграме яе ўладальніца, Святлана Антановіч, піша Hrodna.life.
У допісе Святлана ўспомніла, як стварала для крамы-атэлье інсталяцыю беларускай вясковай хаты з печчу. Прычыны закрыцця яна не паведаміла.
«Прашу, ніякіх пытанняў. Будзем рады, калі нас падтрымаеце. І тады наша крама, спадзяюся, праз некаторы час зноў адчыніць дзверы. Але гэта будзе іншае…», — напісала яна.
Крама «Феафанія» адкрылася ў Гродне на вуліцы Кірава, 3 летам 2022 года. На адкрыцці ладзілі беларускія традыцыйныя танцы. У краме прадаваліся тканіны, быў шырокі выбар ільну, можна было набыць гатовы або замовіць пашыў хатняга тэкстылю.
Акрамя таго, там ладзілі сустрэчы і майстар-класы, прысвечаныя беларускім традыцыям і рамёствам, такім як набойка, маляваныя дываны, беларуская вышыўка і іншае, можна было пафатаграфавацца ў інтэр'еры беларускай хаты. У інстаграме крамы расказвалі пра беларускія традыцыйныя святы.
Да таго Святлана Антановіч у 2016 годзе адкрыла краму-атэлье «Еўдакія» на вуліцы Перамогі. Назвала яе па імені маці. У 2017 адкрыла пашыўны цэх. У 2018 — яшчэ адну краму «Еўдакія» на Ліможа. У 2019 адкрылася вытворчасць у Лідзе, у 2022 годзе яе закрылі.
СК распавёў, у чым вінаваціць кіраўніцтва прыватнай школы «Смарт Скул», дзе хлопчык стрэліў дзяўчынцы гумовым шарыкам у вока
«Беларускія гледачы так даўно знаходзяцца пад тонамі расійскага кантэнту, што не разумеюць, дзе расійскі, а дзе беларускі парадак дня»
«І так і будзе, пакуль будзе існаваць гэты «беларускі парадак». Лявон Вольскі пра закрыццё выставаў Быкава і Малевіча
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары