Гэта быў камбінаваны ракетна-авіяцыйны ўдар па аб'ектах крытычнай інфраструктуры Украіны.

Пры нападзе на Украіну ў ноч на 22 расійскія ваенныя прымянілі 151 сродак паветранага нападу, заявілі Паветраныя сілы УСУ. Гэта быў камбінаваны ракетна-авіяцыйны ўдар па аб'ектах крытычнай інфраструктуры Украіны, гаворыцца ў ранішняй зводцы.
У атацы былі задзейнічаныя 63 ударныя беспілотнікі тыпу Shahed, 12 балістычных ракет «Іскандэр-М», 40 крылатых ракет Х-101/Х-555, запушчаных з 13 стратэгічных бамбавікоў Ту-95МС з акваторыі Каспійскага мора, пяць крылатых ракет (іх запусцілі пяць бамбавікоў Ту-22М3 з Растоўскай вобласці), сказана ў зводцы.
Акрамя таго, былі выкарыстаныя сем аэрабалістычных ракет Х-47М2 «Кінжал», дзве кіраваныя авіяцыйныя ракеты Х-59 і яшчэ 22 зенітных кіраваных ракет С-300/С-400, падлічылі УСУ.
Збіць удалося 55 дронаў-камікадзэ, 35 крылатых ракет Х-101/Х-555 і дзве авіяцыйныя Х-59.
Каментары