Алена Ланская прызналася, што ейны бацька памёр ад каранавірусу ў разгар пандэміі
Адбылося гэта ў той самы час, калі ва ўсім свеце прымалі абмежаванні для таго, каб абараніць людзей ад хваробы. Лукашэнка кавід не прызнаваў і заклікаў лячыцца гарэлкай ды трактарам.
Па дарозе на падрыхтоўчыя мерапрыемствы да чарговага Усебеларускага народнага сходу, Алена Ланская распавяла падпісчыкам пра трагічную дату для сваёй сям'і.
Роўна пяць гадоў таму ад каранавірусу памёр яе бацька Міхаіл.
«У маёй памяці ёсць страшныя дні, іх мала, але яны адбіраюць частку душы. Гэта быў кавід, які тады не разумелі, як лячыць… А зараз яго амаль не існуе. 17 снежня 2020 года цябе не стала, бацька. Усяго 62…», — распавяла Алена ў сторыс у інстаграме.
Нагадаем: у той самы час быў акурат разгар пандэміі, ва ўсім свеце краіны ўводзілі розныя абмежаванні — ад абавязку насіць маскі да лакдаўна.
Беларускія ўлады тады проста і імкнуліся зрабіць выгляд, што ў нашай краіне такой праблемы не існуе. Статыстыку захворванняў і смяротнасці хавалі, насіць маскі баяліся нават чыноўнікі, каб не выклікаць раздражненне ў Лукашэнкі.
Сам жа Лукашэнка называў досвед іншых краін «каронапсіхозам», дазваляў сабе здзеклівыя выказванні ў дачыненни да памерлых ад COVID19 (ён падкрэсліваў, быццам паміраюць толькі людзі з залішняй вагой і тыя, хто не сачыў за здароўем).
Беларусам палітык раіў лячыцца гарэлкай, лазняй ды трактарам.
Дарэчы, сама Алена Ланская адзначае, што ўжо праз чатыры дні пасля смерці таты, 21 снежня 2020 года, давала сольны канцэрт. Імаверна, спявачку не вельмі хвалявала, колькі людзей можа заразіцца COVID19 падчас яе выступу ў канцэртнай залі «Мінск» (разлічана прыблізна на 1300 месцаў).
«Я не прашу спачування і жалю, проста будзьце вышэй за зямныя праблемы і на першы план выносьце нешта высокае і духоўнае. Тое, што напаўняе тваю душу», — падзялілася асабістым Алена Ланская.
Беларускія артысты напружыліся: з Новага года яны не змогуць працаваць як ІП — прыйдзецца аддаваць дзяржаве больш грошай
Колькі БТ плаціць людзям, якія здымаюцца ў масоўцы на іх шоу?
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
Мальдывы, Занзібар і Італія: куды панесла адпачываць прыхільнікаў Лукашэнкі
Цяпер чытаюць
Начальнік міліцыі Брагіна страляў у сваю жонку. Яна цудам выжыла10
Каментары