Вячорка расказаў, што Офіс Ціханоўскай можа прапанаваць беларусам унутры краіны
Дарадца Святланы Ціханоўскай Франак Вячорка расказаў пра гэта карэспандэнту «Нашай Нівы».
«Сёння Беларусь жыве ва ўмовах паўзучай акупацыі. Мы вярнуліся да сітуацыі, якая была ва ўсіх аўтарытарных краінах.
Першае — гэта пашырэнне інфармацыі — як з нашага боку, гэтак і самімі людзьмі. Кожны беларус і беларуска мусяць самі вырашаць, наколькі яны гатовыя рызыкаваць.
Другое — гэта падтрымка мабільнасці людзей. І магчымасць рэабілітавацца, і проста магчымасць пабачыцца з сябрамі. Гэта тое, што мы пастаянна лабіруем.
Трэцяе — юрыдычная і псіхалагічная падтрымка ўнутры краіны. Гэта яшчэ адна магчымасць, якую мы стараемся падтрымліваць.
Для беларусаў унутры краіны небяспечная любая камунікацыя з намі. І для нас вельмі важнае пытанне таксама пра тое, як не нашкодзіць, як захаваць дастатковы ўзровень бяспекі.
Мы бачым таксама, што, напрыклад, да сазвонаў з Офісам далучаецца шмат новых людзей, нават тых, хто зусім не ўдзельнічаў у пратэстах 2020 года. І я думаю, што вельмі важна іх зрабіць камунікацыю з намі бяспечнай.
Трэба ставіць амбітныя мэты і адстойваць свае інтарэсы, нягледзячы на тое, што гэта складана. Сярод такіх мэтаў, напрыклад, і пашпарт Новай Беларусі — калі мы гэта зробім, то гэта будзе прэцэдэнт, і ў гэтым пытанні ўжо ёсць вялікі прагрэс.
Я мяркую, што не да канца маю права раіць нешта беларусам унутры краіны. Але, на мой погляд, варта быць цярплівымі. І варта падкрэсліваць, што беларусы ўнутры краіны і беларусы звонку — адна нацыя. Гэта тое, што рэжым спрабуе знішчыць».
«Наша Нiва» — бастыён беларушчыны
ПАДТРЫМАЦЬОфіс Ціханоўскай правёў канферэнцыю ў раскошнай віле ў цэнтры Прагі. Колькі каштавала арэнда?
«Перамовы аб вызваленні палітзняволеных трэба ўжо весці не з Лукашэнкам, а з Крамлём» — Стрыжак
Вячорка пра варыянт абмяняць палітвязняў на расійскіх агентаў і ваеннапалонных: Абмяркоўвалі. Дэталяў не магу агалошваць
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары