Байдэн другі раз назваў Пуціна «мясніком» і заклікаў дапамагчы Украіне
Прэзідэнт ЗША прапануе павялічыць падатак на прыбытак для заможных грамадзян з 8,2% да 25%.
Прэзідэнт ЗША Джо Байдэн зноў назваў расійскага прэзідэнта Уладзіміра Пуціна «мясніком» і заклікаў амерыканскіх выбаршчыкаў падтрымаць павышэнне падаткаў для заможных грамадзян, каб дапамагчы Украіне супрацьстаяць Расіі, піша The Moscow Times.
«Уявіце, што мы маглі б зрабіць з гэтым. Мы маглі б істотна скараціць дэфіцыт федэральнага бюджэту. Мы маглі б паслядоўна зрабіць так шмат усяго. У тым ліку — нарэшце абараніць Украіну ад мясніка Пуціна», — сказаў Байдэн падчас выступу ў Паўночнай Караліне.
У прыватнасці, Байдэн прапануе павялічыць падатак на прыбытак для заможных грамадзян з 8,2% да 25%. Паводле яго слоў, гэта дазволіла б прыцягнуць у бюджэт сотні мільярдаў долараў у найбліжэйшыя 10 гадоў.
Да гэтага прэзідэнт ЗША называў Пуціна «мясніком» 26 сакавіка 2022 года — праз месяц пасля поўнамаштабнага ўварвання ва Украіну.
Сёлета ў лютым амерыканскі лідар таксама зняважліва выказаўся ў адрас Пуціна. «У нас ёсць вар'яты сукіны дзеці, як гэты хлопец Пуцін і іншыя, і нам заўсёды даводзіцца перажываць наконт ядзернага канфлікту», — сказаў Байдэн.
Яшчэ да пачатку вайны ва Украіне Байдэн пагадзіўся са сцвярджэннем, што Пуцін з'яўляецца забойцам.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць19
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары
ТОЛЬКІ НАЦЫЯНАЛЬНАЯ ДЫКТАТУРА!