Ураджэнец Віцебшчыны трымаў у Пецярбургу на ланцугу 12-гадовую дачку і збіваў яе
Ход следства кантралюе асабіста кіраўнік Следчага камітэта Расіі Аляксандр Бастрыкін.
У Пецярбургу адправілі ў СІЗА 43-гадовага ўраджэнца Віцебскай вобласці, які, паводле версіі следства, сістэматычна збіваў, утрымліваў на ланцугу і пазбаўляў ежы сваю 12-гадовую дачку, паведаміў ТАСС. Падрабязнасці гісторыі расказвае fontanka.ru.
43-гадовага мужчыну адправілі ў СІЗА на два месяцы. Яму ставяць у віну катаванні ў дачыненні да непаўналетняга. Паводле версіі следчых, абвінавачаны сістэматычна наносіў пабоі малалетняй дачцэ, марыў голадам і ўтрымліваў на ланцугу ў пакоі камунальнай кватэры. Мужчыну пагражае ад 3 да 7 гадоў пазбаўлення волі.
Дзяўчынцы 12 гадоў. Разам з бацькам яны жылі ў камунальнай кватэры. Наконт метадаў выхавання паліцэйскія даведаліся, калі дзіця трапіла ў бальніцу. Інспектару па справах непаўналетніх дзяўчынка распавяла, што бацька рэгулярна падымае на яе руку, цягае за валасы і можа замкнуць у пакоі без магчымасці выйсці ў прыбіральню, пакінуўшы толькі вядро.
Цяпер ход справы кантралююць пракуратура Чырвонагвардзейскага раёна Пецярбурга і старшыня СК Аляксандр Бастрыкін.
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары
У нас, в Беларуси, о подобном не пишут. Означает, что этого нет?