Жонка Шродэра расказала, навошта малілася ля Крамля ў сакавіку 2022 года
У гэтую нядзелю экс-канцлеру ФРГ Герхарду Шродэру спаўняецца 80 гадоў. Напярэдадні юбілею на тэлеканалах ARD і NDR выйшаў дакументальны фільм пра яго.
Акрамя іншага, палітык і яго жонка Со-Ён Шродэр-Кім распавялі аб наведванні Масквы ў пачатку сакавіка 2022 года і перамовах з Уладзімірам Пуціным, піша Bild.
«Я ведаў, што ў любы час магу звязацца з прэзідэнтам Расіі. Мне было зразумела, я зыходзіў з таго, што ён будзе гатовы да размовы, бо ён мне давярае», — сказаў экс-канцлер.
Выступіць перагаворшчыкам яго папрасілі ўлады Украіны. 9 сакавіка ён вылецеў з жонкай на бізнэс-джэце ў Стамбул, дзе сустрэўся з Рустэмам Умеравым. Той перадаў яму ўмовы, на якія гатовы Кіеў. Со-Ён Шродэр-Кім вяла пратакол тых перамоваў.
Затым яны вылецелі ў Маскву. Пара ніяк не каардынавала свае дзеянні з уладамі ФРГ. Перад сустрэчай з Пуціным Шродэр здаў тэст на каранавірус, яго жонка засталася ў гатэлі.
«Я была адна ў нумары гатэля «Балчуг Кемпінскі» ў Маскве. А мой муж пайшоў на размову з Пуціным, — распавяла Со-Ён Шродэр-Кім. — Гэта быў момант, калі можна было спадзявацца, што наступіць мір. А мой уласны муж пайшоў размаўляць тэт-а-тэт. Я хрысціянка, таму мне прыйшлося звярнуцца да Бога».
Тыя перамовы так і не прывялі да міру. Зараз Шродэр па-ранейшаму выступае супраць вайны і лічыць яе «гістарычнай памылкай» Пуціна. Пры гэтым ён не адмаўляецца ад сяброўства з дыктатарам.
Палітычную сістэму ў Расіі ён апісаў як «дэмакратыю», «часам лепш, часам горш».
«У Расіі свабодныя выбары, гэтага нельга адмаўляць», — дадаў ён.
Чым цяпер жыве гераіня стылёвага фота з Маршу жанчын 2020-га8
Каментары