За буйны хабар судзяць дырэктара «Мінскрамбуда» і тылавога начальніка з Дэпартамента аховы МУС
Імёны Дзмітрыя Харужыка і Сяргея Кляўко з'явіліся ў раскладзе судоў. Абодвум пагражае да пятнаццаці гадоў калоніі.
Сяргей Кляўко — 50-гадовы былы міліцыянт. Ён больш за 27 гадоў праслужыў у міліцыі, а аддзел тылавога забеспячэння Мінскага гарадскога ўпраўлення Дэпартамента аховы МУС узначальваў больш за пяць гадоў.
Выйшаў на пенсію ў студзені 2023-га ў званні падпалкоўніка — падчас цырымоніі выступоўцы асабліва адзначылі тое, як пахарашэў Дэпартамент аховы за часамі Кляўко.
Аддзел тылавога забеспячэння займаецца закупкамі (у тым ліку праз тэндары), рамонтам будынкаў, будаўніцтвам, захоўваннем рыштунку і сочыць за тым, колькі рэсурсаў выкарыстоўвае дэпартамент.
Другі фігурант справы — 40-гадовы Дзмітрый Харужык. Ён некалькі гадоў узначальвае «Мінскрамбуд». Гэта дзяржаўная арганізацыя, якая займаецца будаўніцтвам, адна з найбольшых у краіне. Таксама яна займаецца вытворчасцю будаўнічых матэрыялаў, здае ў арэнду тэхніку і памяшканні, мае ўласны санаторый «Спадарожнік» пад Мінскам.
Суд над мужчынамі пачнецца ў Цэнтральным судзе горада Мінска 23 красавіка. Іх вінавацяць у «дачы хабару ў асабліва буйным памеры». Хто каму даў хабар — пакуль невядома.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары