Гарчыцу ўсе ведаюць як вострую прыправу. Але акрамя выкарыстання з рознымі блюдамі, яна прыдасца і ў побыце. Вось некалькі парадаў.
Гарчыца — натуральны мыйны сродак
Парашок гарчыцы — натуральны мыйны сродак. Ён з поспехам справіцца з тлушчам на посудзе нават у халоднай вадзе. Мыць можна як сухім парашком, так і папярэдне прыгатаванай гарчычнай пастай. Такі раствор наносіцца на брудны посуд і пакідаецца на 5 хвілін. Пасля змываецца вадою.
Дасведчаныя гаспадыні раней выкарыстоўвалі гарчыцу як сродак для вывядзення плямаў тлушчу з адзення і рэчаў з шоўку і воўны. Для гэтага неабходна развесці 200 грамаў сухой гарчыцы ў 10 літрах вады, даць настаяцца на працягу трох гадзін. Пасля гэтага раствор акуратна зліць, каб не засталося асадку, і ў ім памыць рэчы.
Гарчыца як маска для валасоў
Мала хто ведае, што з парашка гарчыцы можна прыгатаваць маску для валасоў. Для гэтага трэба ўзяць дзве-тры лыжкі парашку, дадаць у яго трохі вады каб атрымалася кашка. Яе ўціраюць у карані валасоў і пакідаюць на некаторы час. Лічыцца, што такая маска не толькі ўмацуе валасы і надасць ім здаровы бляск, але і паскорыць іх рост.
Гарчыца як нейтралізатар непрыемных пахаў
Гарчычны парашок з'яўляецца добрым памочнікам у змаганні з непрыемнымі пахамі. Ім можна працерці палічкі ў халадзільніку. Невялічкія марлевыя мяшэчкі з парашком, змешчаныя ў скрыні ці павешаныя ў шафе, пазбавяць гэтыя месцы пахаў затхласці.
Калі ж вас засмучае непрыемны пах з пластыкавага кантэйнера, то можна насыпаць у яго парашку гарчыцы і заліць на паўгадзіны гарачай вадою. Пасля застанецца толькі добра прапаласкаць.
Гарчыца як сродак супраць шкоднікаў
Настой з парашку гарчыцы дапамагае ў барацьбе з шкоднікамі. Для яго прыгатавання 50 грамаў парашку дадаюць у 5 літраў вады і настойваюць 10-12 гадзін. Затым атрыманым настоем апырскваюць расліны. Ён пазбавіць іх ад вусеняў, тлі, голых смаўжоў, павуціннага кляшча, капуснай бялянкі.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары