Крамлёўская метадычка ўжо настройвае прапагандыстаў, як трэба пісаць пра правал перамоў у Стамбуле
Крамлёўскія прапагандысты атрымалі чарговую інструкцыю-метадычку пра тое, як пісаць пра перамовы, што праходзяць 15 мая ў Стамбуле, даведалася «Медуза». Паводле гэтай інструкцыі, прэзідэнт Расіі Уладзімір Пуцін нават не збіраўся сам ехаць на гэтыя перамовы, а ў Крамлі цалкам разумеюць, што вынікі могуць быць непрыемнымі — напрыклад, новыя санкцыі.
У метадычцы тлумачыцца, чаму ў перамовах удзельнічае памочнік Пуціна Уладзімір Мядзінскі — нібыта таму, што ён ужо кіраваў расійскай дэлегацыяй у Стамбуле ў 2022 годзе. Пры гэтым падкрэсліваецца, што Пуцін самастойна сфарміраваў дэлегацыю, не звяртаючы ўвагі ні на словы прэзідэнта ЗША Дональда Трампа, ні на прапановы прэзідэнта Украіны Уладзіміра Зяленскага.
У метадычцы няма інфармацыі пра тое, што Расія мае намер прапанаваць на перамовах. Але расійскім СМІ прапануюць сцвярджаць, што ўмовы для Украіны цяпер горшыя, чым былі тры гады таму — хоць што менавіта маецца на ўвазе, не тлумачыцца.
Таксама з метадычкі вынікае, што лаяльным Крамлю журналістам варта рыхтаваць грамадскую думку да правалу перамоў. У тэксце гаворыцца пра новыя санкцыі, якія нібыта не паўплываюць на развіццё Расіі, бо яна добра адаптавалася да любых санкцый, а бюджэт ужо складзены з улікам гэтых абмежаванняў.
Нагадаем, што 14 мая быў абвешчаны склад расійскай дэлегацыі на перамовах у Стамбуле: Уладзімір Мядзінскі, намеснік міністра замежных спраў Міхаіл Галузін, кіраўнік Галоўнага ўпраўлення Генштаба Ігар Касцюкоў і намеснік міністра абароны Аляксандр Фамін. Пра патрабаванні Расіі на гэтых перамовах нічога не паведамляецца. ЗША, Украіна і еўрапейскія краіны патрабуюць 30-дзённага спынення агню без дадатковых умоў. Пуцін ставіцца да такой прапановы скептычна.
Па словах аднаго з паліттэхнолагаў, які супрацоўнічае з Крамлём, палітычны блок адміністрацыі прэзідэнта не меў дачынення да падрыхтоўкі пазіцыі дэлегацыі і не верыць у поспех перамоў. Таму і робіцца акцэнт на магчымыя санкцыі як на найбольш верагодны вынік сустрэчы.
Яшчэ ў ліпені мінулага года ў іншай метадычцы СМІ рэкамендавалася падаваць прапанову Пуціна аднавіць стамбульскія перамовы як шанец хутка завяршыць вайну. Але тады Пуцін патрабаваў, каб Украіна аддала Расіі цэлыя вобласці, якія расійскія войскі яшчэ нават не кантралявалі.
Рубіа не чакае прарыву ад цяперашніх перамоў у Стамбуле
Сярод расійскіх перамоўнікаў у Стамбуле — кіраўнік злавеснага ГРУ. Хто ён, Ігар Касцюкоў?
Зяленскі адпраўляе перамаўляцца з Мядзінскім дэлегацыю на чале з Умеравым
Трамп: Нічога не адбудзецца, пакуль мы з Пуціным не сустрэнемся
У офісе Эрдагана заявілі пра неабходнасць спынення агню ва Украіне і пачатку мірных перамоваў
Прэзідэнт Бразіліі праляцеў праз Маскву, не сустракаючыся з Пуціным
Цяпер чытаюць
Пракуратура пра смерць Мелказёрава: журналіст меў хранічную хваробу8
Каментары