15 мая памёр вядомы навуковец з Гомеля, супрацоўнік Гомельскага дзяржаўнага універсітэта імя Скарыны, дацэнт кафедры філасофіі, кандыдат філасофскіх навук Віктар Адзіночанка, піша «Флагшток». Паводле звестак выдання, нядаўна ў яго выявілі анкалагічнае захворванне на апошняй стадыі — лячэнне было ўжо амаль немагчымым.
Адзіночанка вядомы тым, што выдаў першы вучэбны дапаможнік для студэнтаў па рэлігіязнаўстве на беларускай мове, а таксама іншыя шматлікія публікацыі. У жыцці і на працы ён размаўляў па-беларуску.
Віктар Адзіночанка родам з Рэчыцы, выкладаў ва ўніверсітэце рэлігіязнаўства, філасофію, эстэтыку. У апошні час ён працаваў над абаронай доктарскай дысертацыі, аднак, паводле звестак калегаў, атрымліваў перашкоды з боку некаторых прадстаўнікоў адміністрацыі ВНУ.
Адзіночанка таксама быў вядомы як грамадскі дзеяч, які вымушаны быў спыніць актыўнасць пасля 2020 года. Ён доўгія гады займаўся праваабарончай дзейнасцю на Гомельшчыне, быў незалежным назіральнікам за выбарамі, калі гэта было яшчэ магчыма, удзельнічаў у кампаніі супраць смяротнага пакарання. З-за гэтага быў пад кантролем уладных структур.
Навукоўцу ў чэрвені павінна было споўніцца 63 гады. У яго засталася жонка і двое маленькіх дзяцей. Малодшаму дзіцяці ўсяго каля трох месяцаў.
Пахавальная святая імша па Віктару Адзіночанку адбудзецца ў касцёле Нараджэння Божай Маці ў Гомелі 17 мая аб 11-й гадзіне.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек2
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары
Вечная памяць.