Праз электронны аўкцыён «БелЮрЗабеспячэнне» прадаюць нерухомасць, якая належыць двум палітвязням, прадстаўнікам Праваабарончага цэнтра «Вясна» Валянціну Стэфановічу і Уладзіміру Лабковічу.
Як заўважыла «Люстэрка», на таргі выставілі двухпакаёвую кватэру, размешчаную ў доме № 43 па вуліцы Тухачэўскага ў Заводскім раёне Мінска, агульнай плошчай 43,9 кв. м. Нерухомасць арыштаваная па рашэнні следства.
Гэта кватэра належыць юрысту праваабарончага цэнтра «Вясна» і каардынатару кампаніі «Праваабаронцы за свабодныя выбары» Уладзіміру Лабковічу. Пачатковы кошт нерухомасці — 134 000 рублёў. Калі знойдуцца ахвотныя яе набыць, то таргі пройдуць 23 красавіка.
Уладзімір Лабковіч быў затрыманы 14 ліпеня 2021 года, яго асудзілі да 7 гадоў пазбаўлення волі ў калоніі ва ўмовах узмоцненага рэжыму.
Таксама на аўкцыёне маюць намер прадаць 1/7 долі адміністрацыйнага памяшкання ў Мінску, на вуліцы Ложынскай, 16. Агульная плошча памяшкання — 92,1 кв. м, пачатковы кошт маёмасці — 33 300 рублёў. Таргі таксама прызначаныя на 23 красавіка.
Гэтая плошча лічыцца маёмасцю намесніка старшыні «Вясны», віцэ-прэзідэнта Міжнароднай федэрацыі за правы чалавека (FIDH) Валянціна Стэфановіча. Яго затрымалі 14 ліпеня 2021 года і асудзілі да 9 гадоў пазбаўлення волі ў калоніі ва ўмовах узмоцненага рэжыму.
Акрамя Стэфановіча, памяшканне на вуліцы Ложынскай належыць яшчэ шасці сябрам праваабарончай арганізацыі. Раней яно выкарыстоўвалася для правядзення бясплатных івэнтаў — лекцый, дыскусій, выстаў.
Цяпер чытаюць
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам9
У Магілёве адбылося шэсце да месца масавых рэпрэсій 1930‑х — з іконай расійскага цара і імперскім трыкалорам
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары