Раніцай чацвярга на літоўскім пункце «Меднікі» («Мядзінінкай» — з беларускага боку «Каменны Лог») спынілі пропуск транспарту. Прычынай стаў пажар, паведамляе Infotrans.
Паведамляецца, што згарэў офісны будынак мытні. Будынак згарэў цалкам. Пажар пачаўся каля 02:40.
На 8:00 18 красавіка на гэтым пункце пропуску ў чарзе стаялі 200 легкавых аўтамабіляў і 710 грузавікоў. Літва не прымае ні легкавы, ні грузавы трафік.
Раней з'явілася інфармацыя, што ўжо ў пачатку мая літоўскі бок можа закрыць пункт пропуску «Беняконі» / «Салечнікі» («Шальчынінкай») на мяжы з Беларуссю. У выніку паміж краінамі застанецца толькі адзін пункт пропуску «Меднікі» — «Каменны Лог»).
З 1 сакавіка Літва закрыла на мяжы з Беларуссю пункты пропуску «Райгарад» («Прывалка») і«Лаварышкі» («Катлоўка»).
У жніўні 2023 года закрылі «Цверач» («Відзы») і «Шумск» («Лоша»).
Каментары