Расійскія вайскоўцы, якія вярнуліся з вайны супраць Украіны, за два гады забілі больш за 100 чалавек
За два гады расійскія вайскоўцы, якія вярнуліся з вайны супраць Украіны, забілі як мінімум 107 чалавек. Яшчэ як мінімум 100 чалавек у выніку іх злачынстваў атрымалі цяжкія траўмы, паведамляе выданне «Вёрстка», якое прааналізавала звесткі з СМІ і судовыя карткі.
Асобы, якія вярнуліся з вайны, здзейснілі як мінімум 84 злачынствы з чалавечымі ахвярамі: 55 забойстваў, у выніку якіх загінулі 76 чалавек, 18 выпадкаў нанясення цяжкіх цялесных пашкоджанняў, ахвярамі якіх сталі 18 чалавек, дзевяць парушэнняў ПДР, якія прывялі да смерці 11 чалавек.
Таксама вядомыя два выпадкі схілення да ўжывання наркотыкаў, у выніку чаго памерлі двое непаўналетніх.
За забойствы раней памілаваных зняволеных, якія вярнуліся з Украіны, прысуджаюць да тэрмінаў ад 6 да 11 гадоў калоніі, іншых вайскоўцаў — ад 7,5 да 10 гадоў. У выпадках, калі ўдзельнікаў вайны судзілі яшчэ і па дадатковых артыкулах, максімальныя тэрміны ўзрасталі да 22 і 20 гадоў адпаведна.
Тэрміны, якія прызначаліся за нанясенне цяжкіх цялесных пашкоджанняў, што пацягнулі смерць: ад 5,5 да 10 гадоў 8 месяцаў калоніі для наймітаў ПВК і ад да 6 да 9,5 гадоў — для астатніх вайскоўцаў.
«50 тысяч памілаваных галаварэзаў». У Расіі амаль палова зэкаў, якія вярнуліся з вайны, вяртаецца за краты, дзе іх зноў вярбуюць
Асуджаны на 14 гадоў расчляніцель з Чыты вярнуўся з вайны ва Украіне і атрымаў чарговыя 14 гадоў за новае забойства
Бацьку прэс-сакратара РПЦ забіў рэцыдывіст, які з калоніі завербаваўся на вайну ва Украіне. З фронту ён збег
За ўдзел у вайне з Украінай Пуцін памілаваў сахалінскага людаеда
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары