Усе грошы яна прысвойвала.
Супрацоўнікі паліцыі затрымалі жыхарку Балашыхі, якая ўтрымлівала ў рабстве шэсць чалавек з Беларусі і прымушала іх прасіць міласціну, піша ТАСС.
«Паводле папярэдняй інфармацыі, зламысніца незаконна ўтрымлівала пяцярых мужчын і жанчыну ў кватэры аднаго з дамоў у горадзе Балашыха», — сказалі ў прэс-службе МУС Расіі.
У ГУ МУС дадалі, што затрыманая ўжывала ў дачыненні да ўтрыманых фізічны і псіхалагічны гвалт. Яна забрала ў іх дакументы і мабільныя тэлефоны, таксама прымушала іх прасіць міласціну. Пры гэтым сама яна назірала за імі, кантралюючы дзейнасць.
«У выніку праведзеных паліцэйскімі мерапрыемстваў падазраваная затрыманая і дастаўленая ў тэрытарыяльны аддзел паліцыі. Падчас ператрусаў канфіскаваныя шыльды, на якіх напісаныя просьбы аб дапамозе, грошы, пашпарты, смартфоны, банкаўскія карты», — дадалі ў паліцыі. Жанчыне можа пагражаць да 10 гадоў калоніі.
Змена людзей доўжылася з самае раніцы да позняга вечара, штодзённы даход кожнага чалавека складаў ад 5 тысяч да 10 тысяч рублёў (55—110 даляраў), гэтыя грошы прысвойвала «гаспадыня».
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі10
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары