У Брэсце пачынаецца чарговы масавы суд за пратэсты 10 жніўня 2020
У судзе Маскоўскага раёна Брэста 10 мая распачынаецца суд паводле «народнага» артыкула 342 Крымінальнага кодэкса (актыўны ўдзел у дзеяннях, якія груба парушаюць грамадскі парадак) адразу над васьмю мясцовымі жыхарамі — Мікітам Вайцюком, Васілём Алексеюком, Глебам Клімовічам, Віталём Варфаламеевым, Аляксандрам Тысевічам, Юліей Шаронавай, Мікалаем Нікіцюком і Максімам Собалевым, піша «Вясна».
Іх усіх абвінавачваюць ва ўдзеле ў акцыях пратэсту ў 2020 годзе.
Вядома, што Аляксандр Тысевіч быў затрыманы напачатку студзеня гэтага года, з ім запісалі відэа.
Справу разглядае сумнавядомы суддзя Яўген Брэган, на рахунку якога ўжо мінімум 58 асуджаных па палітычных крымінальных справах.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары