Старшыня канцэрна «Беллеспаперпрам» расказаў, ці памагло прадпрыемству зняцце амерыканскіх санкцый
Беларускія прадпрыемствы дрэваапрацоўчай галіны за дзевяць месяцаў 2026 года павялічылі экспарт прадукцыі ў параўнанні з аналагічным перыядам мінулага года. Пра гэта паведаміў старшыня канцэрна «Беллеспаперпрам» Аляксандр Пшонны падчас наведвання філіяла «Гомельскія шпалеры».
Паводле слоў чыноўніка, адной з галоўных задач галіны застаецца павелічэнне індэкса прамысловай вытворчасці, які пакуль не дасягае 100%. Пры гэтым паказчык экспарту вырас да 109% ад узроўню мінулага года.
Нягледзячы на заходнія абмежаванні, прадпрыемствы працягваюць нарошчваць пастаўкі, найперш у краіны, якія ўлады Беларусі называюць дружалюбнымі. У першую пяцёрку асноўных экспартных рынкаў уваходзяць Расія, Азербайджан, Казахстан, Узбекістан і Кітай.
Пшонны адзначыў, што галіна разлічвае на далейшае павелічэнне экспарту, хоць праблемы з лагістыкай і правядзеннем плацяжоў захоўваюцца.
У верасні Міністэрства фінансаў ЗША афіцыйна зняло санкцыі з прадпрыемства «Лакафарба» і канцэрна «Беллеспаперпрам».
Па словах кіраўніка канцэрна, гэта не адкрыла ўсіх магчымасцяў для пашырэння экспартных паставак, але павінна палегчыць правядзенне плацяжоў у далярах ЗША. Ён выказаў спадзяванне, што пасля зняцця абмежаванняў разлікі будуць праходзіць лепш, што станоўча паўплывае на развіццё экспарту.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары