У Брэсце грамадзяніна Украіны асудзілі на 6 гадоў калоніі за «агентурную дзейнасць»
На мінулым тыдні Брэсцкі абласны суд вынес вырак 25-гадоваму Арцёму Макавею. Малады чалавек, які з 2009 года жыў у Беларусі, атрымаў 6 год пазбаўлення волі.
У чым менавіта яго абвінавачвалі — невядома (суд праходзіў у закрытым рэжыме). Вядомы толькі артыкул, па якім судзілі Макавея: арт.358-1 КК РБ «Агентурная дзейнасць». Справу разглядаў суддзя Мікалай Сянько, піша «Брэсцкая вясна».
Макавея затрымалі ў студзені 2023 года ў яго дома ў Кобрыне. Затрыманне праводзілі супрацоўнікі КДБ.
Спачатку Макавей сядзеў 2 месяцы ў ІЧУ Брэста, але ніякіх допытаў не праходзіла, і хлопец не разумеў за што ўвогуле затрыманы. Праз 1 год і 3 месяцы пасля затрымання справа дайшла да суда. Увесь гэты час мужчына знаходзіўся пад вартай.
Да затрымання Макавей працаваў дыджэем у Брэсце, Кобрыне, Мінску.
Цяпер чытаюць
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары