Кошт прадукцыі быў заніжаны ўдвая.
Фота: Мытны камітэт
На мытні затрымалі груз з Польшчы — 30,5 тыс. слоікаў шакаладнай пасты з загадзя няправільна аформленымі дакументамі, паведамляе прэс-служба Мытнага камітэта.
Пры правядзенні мытнага надгляду ў пункце пропуску «Казловічы» выяўлены факт зніжэння амаль у два разы кошту шакаладнай пасты, што ўвозілася з Польшчы на тэрыторыю ЕАЭС.
Дакументы паказвалі на кошт партыі прадукцыі 154 тыс. рублёў, а фактычны кошт склаў больш за 272 тыс.рублёў. З дапамогай такой махінацыі разлічвалі зэканоміць каля 23 тыс. рублёў на мытных зборах.
Парушальнікам пагражае штраф да 30% ад кошту прадмета правапарушэння. Плюс 23 тыс. рублёў усё роўна прыйдзецца даплаціць у бюджэт.
Каментары