Ясна, што класічнае тырамісу заўсёды па-за канкурэнцыяй, але ёсць шмат смачных варыяцый, у тым ліку гэтае неймаверна свежае, летняе тырамісу з клубніцамі. Пяшчотны крэм з маскарпонэ ў ім замест кавы дапоўнены кавалачкамі свежых ягад.
Каб прыгатаваць тырамісу з клубніцамі, спатрэбіцца:
- яйкі — 2 шт.
- цукровая пудра — 4 лыжкі
- маскарпонэ — 400-450 г
- соль — шчопаць
- бісквіты для тырамісу — 130 г
- прасека — 120 мл
- клубніцы — 500 г
Як гатаваць:
Варым яйкі ў кіпячай вадзе (каля 30 секунд). Аддзяляем жаўткі ад бялкоў. Яечныя жаўткі расціраем з цукровай пудрай да мяккай масы. Дадаём маскарпонэ. Узбіваем яечныя бялкі са шчопаццю солі да з’яўлення ўстойлівай пены. З дапамогай лапаткі акуратна злучаем гэту сумесь з сырнай масай. Бісквіты па адным замочваем у прасека і выкладваем на дно талеркі. На печыва выкладваем палову сырнай масы і нарэзаныя клубніцы. Выраўноўваем верх. Выкладваем яшчэ адзін пласт бісквітаў, накрываем сырнай масай, што засталася, і ўпрыгожваем клубніцамі. Ставім у халадзільнік мінімум на 2 гадзіны.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары