Двух беларусаў затрымалі каля літоўскай мяжы з саматужнымі беспілотнікамі
Памежнікі затрымалі непадалёк ад мяжы з Літвой дваіх беларусаў на аўто, якія везлі саматужныя беспілотнікі з пультамі кіравання і іншыя прадметы. У іх выявілася цэлая майстэрня для саматужнага вырабу дронаў, паведамілі ў Дзяржаўным памежным камітэце.
Уначы 3 чэрвеня беларускія памежнікі ў Гродзенскім раёне, за 500 м ад мяжы з Літвой, затрымалі двух беларусаў на аўтамашыне.
У легкавым аўтамабілі і прычэпе выявілі два квадракоптары і пульты кіравання да іх, 18 акумулятараў, ноўтбук і радыёстанцыю, а таксама «таварна-матэрыяльныя каштоўнасці».
Высветлілася, што адзін з затрыманых быў раней судзімы за незаконную прадпрымальніцкую дзейнасць: мужчына нелегальна вырабляў беспілотнікі. Другі неаднаразова прыцягваўся да адказнасці за парушэнне заканадаўства аб дзяржмяжы.
Пры аглядзе іх дамоў знайшлі майстэрню для саматужнага вырабу дронаў, у якой былі пяць радыёстанцый, ноўтбукі, розныя мікрасхемы, гарнітуры, антэны, GPS-трэкеры, акумулятары да беспілотнікаў і зарадныя прылады, а таксама прадмет, падобны да пнеўматычнага пісталета.
Выяўленыя прадметы канфіскаваныя, пачалі адміністрацыйны працэс за спробу незаконнага перасячэння мяжы і парушэнне памежнага рэжыму.
На мяжы з Літвой затрымалі беларуса з дронам. У яго канфіскуюць і дрон, і машыну, на якой прыехаў
Унутраныя войскі атрымалі дзве сістэмы для змагання з беспілотнікамі
У Воранаўскім раёне памежнікі затрымалі беларусаў з беспілотнікам
Кантрабандны тытунь спрабавалі пераправіць з Беларусі ў Літву беспілотнікам
СМІ: Лятальным апаратам, што парушыў мяжу Беларусі, мог быць беспілотнік кантрабандыстаў
Ва Украіне загінула 24-гадовая беларуская добраахвотніца Марыя Зайцава32
Каментары