Расійскі пасажырскі самалёт Ан-26 авіякампаніі Utair зрабіў жорсткую пасадку побач з аэрапортам Утранні ў Ямала-Ненецкай аўтаномнай акрузе. Пры пасадцы корпус самалёта фактычна пераламаўся папалам, паведамляюць расійскія медыя.
Паводле папярэдніх даных, камандзір самалёта і другі пілот атрымалі траўмы, таксама пацярпела адна пасажырка. Усяго на борце знаходзіўся 41 чалавек — 36 пасажыраў і пяць членаў экіпажу.
Самалёт выконваў чартарны рэгіянальны рэйс па маршруце пасёлак Сабета — пасёлак Утранні.
Прэс-служба авіякампаніі не ўдакладняе прычыны аварыі. Тэлеграм-канал «Авиаторщина» паведамляе, што, па ягоных звестках, самалёт зрабіў жорсткую пасадку ў кіламетры ад аэрадрома — гэта значыць, мог «прамахнуцца» міма ўзлётна-пасадачнай паласы.
Канал паведамляе, што метэаўмовы перад пасадкай самалёта рэзка пагоршыліся: быў туман і моцны вецер, вялікая нізкая воблачнасць.
Выданне «База» мяркуе, што самалёт мог раней часу выпусціць шасі і закрануць агароджу аэрадрома.
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?14
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?
Байдэн можа зняць сваю кандыдатуру з выбараў, калі на яго націснуць сваякі і сябры. А хто яго можа замяніць?6
Каментары